با ادب
معنی
١ - مودب، تمیزدار، مہذب۔ ہے بزرگوں کا شرف میرا وظیفہ مرا ورد با ادب ہوں کہ مودب کا ہوں ادنیٰ شاگرد ( ١٩٣٨ء، مرثیۂ شہید لکھنوی، ٣ ) ٢ - ادیب، ادب کا عالم۔ 'ملک ناصر مذکور بہت باادب اور شاعر تھا۔" ( ١٨٤٧ء، ترجمہ تاریخ ابوالفدا، ٦٠٣:٢ ) ١ - احترام کے ساتھ، ادب سے۔ گل رو کے قد مقابل ہو با ادب کھڑا ہے شمشاد ہے چمن میں اس کا غلام گویا ( ١٧٣٩ء، کلیات سراج، ١٥٥ )
اشتقاق
فارسی حرف جار اور عربی اسم سے مرکب ہے۔ اردو میں فارسی سے ماخوذ ہے اور بطور اسم صفت اور گاہے بطور متعلق فعل مستعمل ہے۔ ١٦٤٥ء میں صنعتی کے 'قصۂ بے نظیر" میں مستعمل ملتا ہے۔
مثالیں
٢ - ادیب، ادب کا عالم۔ 'ملک ناصر مذکور بہت باادب اور شاعر تھا۔" ( ١٨٤٧ء، ترجمہ تاریخ ابوالفدا، ٦٠٣:٢ )